2. Мөнгө ба тэвчээр
Мөнгөтэй харьцах гэдэг том урлаг гэж хүмүүс ярьдаг, үнэндээ ингэж ярихаар л хүмүүс нээх том юм бодоод, тэгээд энэ талаар бодохоосоо ч айдаг, төвөгшөөдөг билээ.
Гэтэл үнэн хэрэгтээ мөнгөтэй харьцах гэдэг том урлаг маань маш өчүүхэн зүйлээс эхэлдэг. Юуны түрүүнд мөнгө гэдэг тийм ч хүчтэй, агуу зүйл бус, харин ч Бид мөнгөнд ихээхэн хүч чадал өгдөг гэдгийг ойлгох хэрэгтэй.
Үүний нэг жишээ бол "Та маш их мөнгөтэй авдар тэврээд эзгүй арал дээр орхигдож гэж боддоо"
Та аврагдах ямар ч найдлаггүй байхад та тэр мөнгийг зүгээр л цаас гэдгийг мэдрэх болно.
Үүнтэй нэгэн адил заавал эзгүй арал дээр хаягдалгүй мөнгийг хүчгүй болгож бид чадна. Маш амархан, жаахан тэвчээр л хэрэгтэй. Та үүнийг туршаад үзмээр санагдвал дараагийн зөвөлгөөг хэрэгжүүлээд үзээрэй.
Та яг одооноос 10-т, 20-тын бутархай дэвсгэртээр төлбөр хийхээ болих хэрэгтэй. Харин хэзээ ч, хэнээс ч 10-т, 20-тын дэвсгэртээр хариулт авахаасаа бүү татгалзаарай. Хэн нэг нь таны мөнгөний хариултанд 10-т, 20-т төгрөг өгвөл авчил орхи, гэхдээ түрийвчиндээ битгий хийгээрэй, зүгээр л арынхаа халаасанд хийж орхи. Оройн нь гэртээ очоод арынхаа халааснаас ямар нэгэн саванд юм уу, орныхоо гудасны завсар, гутлын хайрцаг, ер нь хаана онгорхой сав байна тэндээ хийж орхи.
Энэ мөнгө чинь өдөр бүр олон болсоор байх болно. Гэхдээ хэзээ ч үүгээр төлбөр хийж болохгүй шүү.
Та тамхи татдаг байлаа гэхэд тамхины мөнгөгүй болсон ч үүндээ бүү хүр.
Миний хувьд тамхигүй болсон үедээ байж суух газараа олдоггүй байсан ч хэзээ ч тэр мөнгөндөө хүрч байгаагүй. Харин ч тамхигүй болсон үедээ нээх их бачимдахгүй болсон доо. Тэвчээд л өнгөрдөг.
Нэг мэдэхэд энэ мөнгө тань 5000, 10000 болсон байх болно. /Гэхдээ 10000 болтолоо 2 сар болдог юм./ Энэ үед нь л харин нөгөө мөнгөө бүхэл мөнгө болгуулаарай. Одоо харин үрж болно.
Хэрвээ та ингэж чадвал дараачийн удаа 50-тын дэвсгэртийг гүйлгээнээс гаргах гээд үзээрэй.
Тэрний дараа 100-тын дэвсгэртийг гүйлгээнээс гаргаарай.
Энэ нь хуримтлал үүсгэж байгаа хэрэг гэж та ойлгож болохгүй шүү. Харин ч та маш бага зардалаар тэвчээр, зорьсондоо хүрэх эрмэлзэл, зарчимч байдалд сурч байгаа хэрэг юм. Нөгөө талаас та Мөнгийг зах зээлийн ханшаар нь бус өөрийнхөөрөө үнэлдэг болох юм.
Залуусаа үүнийг туршаад үзээрэй.
Бага зүйлээс их юм сурж болно.
Амжилт хүсэе.