3. МӨНГӨ БА ХЭРЭГЛЭЭ

Мөнгөний тухай ярьж байгаа үед хэрэгцээ, хэрэглээ, шаардлага, шалтаг гэдэг үгнүүд бас их хэрэглэгддэг.

1. Хэрэгцээ гэж юу вэ? – Ам ангахад шингэн юм /гол нь ус/ уух зайлшгүй хэрэгтэй байгаатай адил бидний амьдралд зайлшгүй, гарцаагүй хэрэгтэй байгаа зүйл /энэ бүх бичлэгүүд дандаа хувийн туршлага, бодол дээр үндэслэж байгааг ойлгоорой/
2. Хэрэглээ гэж юу вэ? – Ам ангахад ус уух уу? Ундаа уух уу? гэсэн сонголтоос үүдэлтэй зайлшгүй бус, гарцаагүй бус зүйл.
3. Шаардлага гэж юу вэ? – Ус уух болсоны зайлшгүй шалтгаан
4. Шалтаг гэж юу вэ?        - Ундаа уух болсоны зайлшгүй бус шалтгаан буюу шалтаг. Ундаа байхгүй эртний үед усаа л ууж таараа шүү дээ.

За эндээс үндэслээд бид мөнгөө зарахдаа хэрэгцээгээ гол болгодог уу? Хэрэглээгээ гол болгодог уу? Бидний мөнгөө зайлшгүй шаардлагтай зүйлд үрж байна уу? Зүгээр л шалтаг гаргаж байна уу? гэдгээ мэдэх хэрэгтэй.

Үүнийг мэдэхэд маш амархан, та өглөө гэрээсээ гарахдаа халаасандаа хэдэн төгрөгтэй байгаагаа тоолоод, орой унтахынхаа өмнө бас нэг тоолоод үз. Хамгийн гол нь бүтэн өдрийн турш мөнгөө үрж байхдаа юу ч битгий бодоорой, урьд өмнө яаж үрдэг яг л тэр хэвээрээ үр.

Тэгээд гарт таарсан цаасны тасархай, гар утасны нотес дээр хамаагүй мөнгөө юу юунд үрсэнээ нэг бүрчлэн бодож байгаад бич, хэрвээ та зарлагынхаа тал хувийг бичиж чадвал цаашаа нь өөрийн мэдэлгүй нээрээ би юу мартчихваа гээд, санах гээд махардаг юм. /хамгийн энгийн аргаар бодоорой , зарим хүмүүс тоо бодох дургүйгээсэй үүнийг хийж чаддагүй юм/

Тэгээд үүндээ яаран ямар нэгэн дүгнэлт хийж хэрэггүй. Яг ийм маягаар өдөр болгон мөнгөө тоолж гараад орой нь тоолж, зарлагаа бич, гэхдээ биеээ зовоож болохгүй, маш хялбар аргаар, өөртөө, бас бусдад тээргүй бичээрэй.

Сарын сүүлд бүх бичсэн цаасаа эвлүүлээд /үнэндээ нэг хужаа тэмдэглэлийн дэвтэр авчихвал зүгээр шүү/ зарсан мөнгөнийхөө дүнг гаргаж нэг хараарай. Мэдээж их тоо гарна.

Тэгээд өөрийхөө сарын зарлагаа аль нь үнэхээр зайлшгүй байсаныг, аль нь шал хэрэггүй зүйлд зарсаныг тэмдэглээд, мэдээж зарлагынхаа нийлбэрийг бодоод үз.

Гарсан дүнд нь ямар дүгнэлт хийхийг би заагаад юу гэхэв, бүгд боловсролтой, чадалтай залуучууд байгаа юм хойно. Ямар ч байсан би анхны бүртгэлийхээ дараа ямар их мөнгө шал хэрэггүй зүйл зарсанаа мэдсэн, үнэндээ үүний оронд дуртай “пиво” уучихсан бол дээр байж гэж бодсондоо.

Миний сүүлийн 3 жилийн орлого зарлагын бүртгэл тэр чигээрээ байдаг, эргээд харахад би 3 жилийн өмнөхөөсөө илүү шандан болсон байна, гэхдээ энэ эерэг утгаараа шүү

Та энэ аргыг хэргэлсэнээр айхтар нарийн хүн болохгүй харин ч эсрэгээрээ хэрэгтэй зүйлдээ мөнгийг үл хайралдаг хүн болох болно.

Хэн мөнгийг ухаалаг зарцуулна, түүнд мөнгө хайртай байдаг гэж үг байдаг.

Энэ маш амархан байдаг.
Амархан зүйлээс хүнд хэцүүг давах аргыг олдог.

Залуусаа амжилт хүсэе